Моргаушский муниципальный округ
Глава Моргаушского муниципального округа Алексей Матросов и председатель Собрания депутатов Моргаушского муниципального округа Александр Иванов поздравляют Н.С. Белову со 107-ым днем рождения
Паян Москакассинче пурăнакан, Сăр хÿтĕлев чиккине тунă çĕре хутшăннă Неонила Степановна Белова хăйĕн 107-мĕш çуралнă кунне паллă тăвать.
Хисеплĕ Неонила Степановна!
Сире 107 çул тултарнă ятпа чун-чĕререн саламлатпăр.
Çăмăл пулман Сирĕн пурнăç. Мĕн пĕчĕкренех Эсир ĕçре пиçĕхсе ÿснĕ. Хура-шурне те сахал мар курнă. Апла пулин те, йывăрлăхсене пăхмасăр, пурнăç çулĕпе çирĕппĕн утнă.
Мĕн ĕмĕр тăршшĕпех Эсир тăван ен аталанăвĕшĕн ырми –канми тăрăшнă. Ача чухнех ĕçе хăнăхнăскер, вăрçă çулĕсенче Сăр хÿтĕлев чиккине тунă çĕрте аслисемпе тан вăй хунă. Кунне-çĕрне пăхмасăр, Шупашкарти çар заводĕнче фронт валли снарядсем тунă çĕрте ĕçленĕ.
Вăрçă хыççăн та Эсир халăх хуçалăхне ура çине тăратас тесе тимленĕ. Вăрман хуçалăхĕнче 40 çул ытла тăрăшнă. Паян та Эсир лартнă йывăçсем тăван тавралăха илем кÿреççĕ. Тивĕçлĕ канăва тухсан та, 9-мĕш теçеткене каçичченех Эсир чупса çÿресех тăван Муркаш тăрăхне аталантарас ĕçре пултăр.
Тавах Сире, Неонила Степановна, пархатарлă ĕçшĕн, Аслă Çĕнтерĕве çывхартма пулăшнăшăн, Тăван çĕршыва юратнăшăн, чун-чĕре илемĕшĕн, ачăрсене тĕрĕс воспитани парса, пурнăç çулĕ çине кăларнăшăн. .Эсир çитĕнекен ăрушăн ырă тĕслĕх пулса тăратăр.
Сире çирĕп сывлăх, тулли телей сунатăп. Çывăх çыннăрсен ăшшине туйса, тата нумай-нумай çул пурăнмалла пултăр.
Муркаш муниципаллă округ пуçлăхĕ А.Н. Матросов.
Депутатсен Муркаш муниципаллă
округ Пухăвĕн председателĕ А.В. Иванов