Хисеплĕ культура ĕçченĕсем! Çак ĕçĕн ветеранĕсем!

Сире хăвăрăн професси уявĕпе чун-чĕререн саламлатпăр.

 Эсир тăван халăх культурине, унăн ырă йăли-йĕркине сыхласа хăварас тата малалла аталантарас тесе тăрăшатăр. Çак ĕçе ял çыннисене хăйсене те явăçтаратăр. Районти пĕр мероприяти те культура ĕçченĕсем хутшăнмасăр иртмест.   Художество пултарулăх ушкăнĕсем ял тăрăхĕсенче, районта иртекен мероприятисене илем кÿреççĕ. Эсир  ял çыннисен канăвне, вĕсен пушă вăхăтне усăллă ирттерме тĕрлĕрен майсем туса паратăр. Тавах сире хăвăрăн тивĕçĕре чун-чĕре хушнă пек пурнăçланăшăн, тĕрлĕ енлĕ пултарулăхăршăн.

2022 çула Чăваш Республикинче Чăваш Енти паллă та пултаруллă çынсене халалланă. Çавăн пекех Раççейре кăçал культурăра юлнă пуянлăх çулталăкне паллă тăватпăр. Кăçал эсир çав аслă ăру пире валли хăварнă хамăр халăх культурине тата та ытларах пуянлатасса шансах тăратпăр. Эсир çитĕнекен ăрăва хамăрăн çĕршывăн мухтавлă историйĕпе пуян культурине чун-чĕрепе туйма вĕрентесси, вĕсене хамăр халăхăн маттур ывăлĕ-хĕрĕсен  ырă тĕслĕхĕсем çинче патриотизмла воспитани паракан ĕçсене ытларах тăвасси пирки те пĕрре те иккĕленместпĕр.

Пурсăра та çирĕп сывлăх, вăрăм кунçул, телей, ĕçре ăнăçу сунатпăр.

Район пуçлăхĕ -депутатсен

районти Пухăвĕн председателĕ                                                      И.В. Николаев.

Район администрацийĕн пуçлăхĕн

тивĕçĕсене вăхăтлăх пурнăçлаканĕ                                                А.Н. Матросов.