Маттур, Валентина!
Районта ял хуçалăх микроçыравне ирттересси активлă пырать. Çак ĕçĕн районти уполномоченнăйĕ Светлана Феофанова пĕлтернĕ тăрăх, августăн 19-мĕшĕ тĕлне çыравçăсем хăйсен ĕçне 86 процент пурнăçлама ĕлкĕрнĕ, вĕсем 13760 объект пирки информаци пухнă.
Районти 33 çыравçăран 12-шĕ çак ĕçе срокпа палăртинчен маларах пĕтернĕ. Ку енĕпе чи маттури сăн ÿкерчĕкри Йÿçкасси ял тăрăхĕнчи Валентина Егорова пулнă. Вăл хăйне шаннă ĕçе самай малтан, августăн 12-мĕшĕнче, вĕçленĕ. Валентина Егорова ку енĕпе питĕ маттур.
- Эпĕ ку таранччен çак ĕçе хутшăнса курман, тăрăшсан ĕçлеме пулать, çынсем ăнланаççĕ, калаçма, ăнлантарма ÿркенмелле мар кăна, - тет вăй хăйĕн ĕçпе кăмăллă пулнине палăртса.