Эпир кăçал Муркаш шкулĕнчен вĕренсе тухрăмăр. Çутă та ăшă ачалăх кунĕсем хыçала тăрса юлчĕç. Унта асран кайми вăхăтсем,  асран кайми тус-юлташсем, учительсем. Мĕн чуль вĕсем, пирĕн хаклă учительсем, пирĕншĕн тăрăшнă, пĕлÿ панă, туслăха çирĕплетнĕ, пурнăç çулĕпе тĕрĕс утма вĕрентнĕ, вăхăтра тĕрĕс канашсем панă, çитменлĕхсене курма вĕрентнĕ.

Паллах, эпир, ачасем, вăхăтра туйса илмен, чылай чух итлемен те, кÿрентернĕ те. Çавăнпа каçару ыйтас килет, вĕсене сывлăх, телей сунасшăн. Нумай-нумай çул пурăнма татах та нумай ĕçлеме.

Сирĕн умра пуç тайатпăр. Пуриншĕн те тавтапуç сире, пирĕн Муркаш вăтам шкулĕн учителĕсем.