Редакцие 9-мĕш класра вĕреннĕ Денисран (вăл хушамачĕпе ял ятне кăтартма ыйтман) çыру килчĕ. Вăл повар профессине алла илесшĕн.

Район администрацийĕн вĕрентÿ пайĕнчен редакцие çапла хуравларĕç: «Хисеплĕ Денис!

Повар специльноçне эсир 9 класс хыççăн çак вĕрентÿ заведенийĕсенче алла илме пултаратăр:

Етĕрне хулинчи 25№ прфессиллĕ лицейре, çак хулари Октябре 50 çур урамри 71Т çуртра вырнаçнă. Кунта повар-кондитерсем хатĕрлеççĕ, 2 çул кăнтăрлахи формăпа вĕренмелле.

Шупашкарти 31№ професси училищинче, çак хулари Гагарин урамĕнчи 15А çуртра вырнаçнă. Кунта сутуçăсене, контролер-кассирсене хатĕрлеççĕ, 3 çул вĕренмелле.

Çĕнĕ Шупашкарти 14№ прфессиллĕ училищĕре, çак хулари Коммунистическая урамри  37 çуртра вырнаçнă. Кунта повар-кондитерсене хатĕрлеççĕ, 2 çул кăнтăрлахи формăпа вĕренмелле.

Шупашкарти 20№ прфессилле училищĕре, «Олимпийский» стадиона хирĕç вырнаçнă».

Денис, сана малашнехи пурнăçра ăнăçусем сунатпăр!