Районти художество пултарулăх коллективĕсен ăсталăхĕ çулсеренех ÿссе пырать. Çакна Кашмашри  драма ушкăнĕ «Халăх коллективĕ» ята çĕнсе илни те çирĕплетсе парать. 1993 çулта йĕркеленнĕскере 8 çул ĕнтĕ Роза Николаева ертсе пырать. Культура çурчĕн директорĕ драма ушкăнне ертсе пыма пуçланăранпа  13 спектакль сцена çине тухнă ĕнтĕ. Районти смотр-конкуссенче те пĕр хутчен çеç мар малти вырăнсене йышăнаççĕ.

Юхма Мишшин «Уйăх тулнă каç», Геннадий Терентьевăн «Çĕмĕрт шап-шурă çеçкере» пьесисене Шурчари, Тойкилтĕри, Ваçкассинчи, Очăкассинчи, Ятманти, Нискассинчи, Орининти, Муркашри культура учрежденийĕсенче тăвăллăн алă çупса кĕтсе илнĕ. Кăçал Кашмашри аритстсем Г. Терентьевăн «Юратусăр пурнăç çук» спектаклĕпе куракансем умне тухаççĕ.