Сентябрь уйăхĕ çитрĕ. Районти хуçалăхсенче вырма ĕçĕсем вĕçленсе пыраççĕ. Хăйсен ĕçне чунтан парăннă механизаторсем хушшинче ăмăртура мала тухакансем те сахал мар.

Район администрацийĕн ял хуçалăхпе апат-çимĕç управленийĕ тата агропромышленноç комплексĕнче ĕçлекенсен профсоюз райкомăĕ Вырмара ĕçлекен комбайнерсен ĕç итогĕсене кашни ĕрнере пĕтĕмлетсе малтисене палăртать.

Августăн 24-31-мĕшĕсенчи ăмăртура «Дон-1500» комбайнсемпе ĕçлекенсем хушшинче 1 вырăна «Свобода» хуçалăхри А.Г. Алексеев çĕнсе илнĕ, 273 тонна тырă çапса тĕшĕленĕ. Иккĕмĕш вырăнта Чапаев яч. хис. хуçалăхри Н.Е. Федороа – 183 тонна, виççĕмĕш вырăнта – Ленин яч. хис. хуçалăхри А.Ю. Яртуков – 120 тонна.

«Енисей-1200» комбайнсемпе ĕçлекенсем хушшинче чи пултарулли Ильич яч. хис. хуçалăхри В.И. Аврамов экипажĕ пулнă, 220 тонна тырă çапса тĕшĕленĕ. Иккĕмĕш вырăнта – «Свобода» хуçалăхри В.А. Толикин – 200 тонна, виççĕмĕш вырăна çак хуçалăхри П.А. Толикин йышăннă, 191 тонна тырă вырса çапнă.

«СК-5 «Нива» комбайнсемпе ĕçлекенсенчен Суворов ячĕпе хисепленекен хуçалăхри В.Ф. Добрянский экипажĕ çĕнтернĕ, 138 тонна тырă çапса тĕшĕленĕ. Иккĕмĕш вырăнта Ленин яч. хис. хуçалăхри Н.М. Ванюшкин экипажĕ – 112 тонна, çавăн пекех «Лидер» «Агрофирма» ООО комбайнерĕ А.В. Краснов та иккĕмĕш вырăна тивĕçнĕ, 112 тонна тырă çапса тĕшĕленĕ. Виççĕмĕш вырăнта – «Герой» хуçалăхри В.В. Ердуков экипажĕ – 79 тонна.

Кĕрхи çĕртме сухи тăвакансем хушшинче те малтисем паллă.

ДТ-75 тракторпа сухалакансем хушшинче 1 вырăна Ленин яч. хис. хуçалăхри А.Л. Петров тивĕçнĕ, 255 гектар çĕртме сухи тунă. «Рассвет» Агрофирма» ООО механизаторĕ А.В. Морозов – иккĕмĕш вырăнта, 200 гектар çĕр сухаланă.

Т-150 тракторсемпе ĕçлекенсенчен чи маттурри «Свобода» хуçалăхри В.П. Петровский пулнă – 110 гектар сухаланă.