Социаллă пулăшăва – уйрăм харпăрлăха

Социаллă пулăшу ĕçченĕсен кунне уявлас умĕн РФ сывлăха сыхлас тата социаллă аталану министерстви социаллă пулăшу парас системăна çĕнетсе улăштарма шутланине пĕлтерчĕç. Социаллă пулăшу паракан учрежденисен пĕр пайне уйрăм харпăрлăха парасшăн.

Халĕ пирĕн çĕршывра социаллă пулăшу паракан 22400 уйрăм. Вĕсем 12 миллион çынна пăхса тăраççĕ. Ку сферăри татса паман паянхи ыйтусем çаксем: патшалăх органĕсем хушшинчи правасемпе тивĕçсем уçăмсăрри, эффективлă мар управлени, укçа-тенкĕ çитменни, çĕнĕ технологисем çителĕксĕр вăя кĕни.

Социаллă пулăшу илес текенсем патшалăх пулăшма пултарнинчен ытларах. Пулăшу пахалăхĕ те тивĕçтермест.

Çак проблемăсене социаллă услугăсен рынокне туса татса парасшăн.