Республикăра пĕрремĕш çул мар ĕнтĕ «Çулталăкри чи лайăх предприниматель» конкурс иртет, унта пирĕн районти предпринимательсем те хăйсене япăх мар енчен кăтартнă. Акă, иртнĕ çулхи конкурс итогĕсем тăрăх «Çулталăкри чи лайăх предприниматель» номинацире Николай Иванович Никитин 2-мĕш вырăн, «Çулталăкри чи лайăх идея» номинацире Александр Анатольевич Иванов (декоративлă çуртасем тăвассипе) 1-мĕш вырăн йышăнчĕç.

Кăçал конкурса çак номинацисемпе ирттересси çинчен пĕлтернĕ:

- «Çулталăкри чи лайăх пĕчĕк предприяти – «Старт», «Тăнăçлăх», «Ыр кăмăллăх» категорисенче;

- «Çулталăкри чи лайăх предприниматель»;

- «Çулталăкри чи лайăх идея»;

- «Çулталăкри чи лайăх фермер хуçалăхĕ»;

Заявкăсене октябрĕн 26-мĕшĕнчен пуçласа декабрĕн 10-мĕшĕ таран йышăнаççĕ.

Конкурса ирттерессин условийĕсем пирки район администрацийĕн экономикăпа прогноз пайне 2-13-41, 2-13-39 телефонсемпе шăнкăравласа тĕплĕнрех пĕлме пулать.