Йăлана кĕнĕ тăрăх, август  уйăхĕн вĕçĕнче, çĕнĕ вĕренÿ çулĕ пуçланас  умĕн, педагогсем  пĕрле пухăнса  хăйсен задачисене палăртаççĕ.     

Кăçал çакăн пек канашлу Калайкассинчи вăтам шкулта августăн 27-мĕшĕнче пулать. Унта хутшăнакансем малтанах шкулпа паллашаççĕ, хыççăн тĕрлĕ темăсемпе 5 секцинче вĕрентÿ ĕçĕнче çивĕч тăракан ыйтусене сÿтсе яваççĕ. Вĕсен шутĕнче: "Вĕрентÿ ĕçĕнчи сывлăха сыхлас технологисем", "Ача ăс-тăнне аталантарас енĕпе шкулта ача сачĕсем пĕрле çыхăнса ĕçлесси", "Ялти условисенче мĕн пур вĕрентÿ учрежденийĕсенче сывă пурнăç йĕркине çирĕплетесси" т.ыт. те.

Ун хыççăн "Ăс-хакăл вăйĕпе сывă пурнăç йĕрки урлă вĕрентÿ пахалăхне çĕнетсе улăштарасси патне" темăпа пĕрлехи лару ирттереççĕ.