Сĕм авалтан халăхра тĕрлĕ палăрăмсене, сăмах-юмаха ĕненнĕ. Акă, вĕсенчен хăшĕ-пĕрисем, килти хуçалăхпа çыхăннисем.

Чăхха юн кун е эрне кун пусма лартсан - чĕпписем пурте чăх пулаççĕ, ытти кун лартсан - ытларах автан тухать.

Чăх яланах пĕр йăвара çăмарта тутăр тесен, унăн çăмартисене пĕр çыннăн çеç пухмалла.

Вĕçен кайăк тĕкĕпе мамăкне минтер валли ан пухăр. Ун чухне çывăраканăн пуçĕ ыратать.

Чăхсем вилеççĕ пулсан, пĕрне пусăр та унăн юнне ыттисен апачĕ çине сапăр.

Пăрăва çурăмĕнчен ачашласа ан шăлăр - начар ÿсет.

Ĕне çилли сивĕ пулсан - инекеке.

Пăру час-часах мĕн те пулин çуласан - вăл сĕт нумай антаракан ĕне пулать.

Мăйраки ÿксен, ĕне сĕт сахал парать.

Выльăх ăнтăр тесен ăна хапхаран çĕре сарса хунă тумтир урлă кĕртмелле.